ДУХОТ НА ЛЕ МАН Е РАШИРЕН НИЗ ЦЕЛ СВЕТ. НЕМА ДВОЈБИ ДЕКА ОВА Е ТОЧНО. ТРКИТЕ НА ИЗДРЖЛИВОСТ УСПЕАЈА СВОЈАТА ПОПУЛАРНОСТ ДА ЈА ПОДИГНАТ НА НИВО НА ФОРМУЛА 1 И НА СВЕТСКИОТ ШАМПИОНАТ ВО РЕЛИ ЗАПОЧНУВАЈЌИ ГОДИНАВА ЕДНА ИСТОРИСКА СЕЗОНА
Можеби минатата година Светскиот шампионат во трки на издржливост на FIA, или FIA World Endurance Championship – WEC, ја доживеа својата историска сезона бидејќи се славеа точно 100 години од првата трка на легендарните 24 часа на Ле Ман, но и годинешната сезона со сигурност ќе остане запаметена како историска. И не само во историјата на трките на издржливост, туку и во историјата на мотоспортот како целина.
Најдобрите, најпознатите и најславните производители на автомобили ќе земат учество во годинешниот шампионат во трки на издржливост. Дури девет производители ќе се натпреваруваат во врвната класа Hypercar, минатата сезона беа пет. На светскиот шампион Toyota и востановените играчи: Ferrari, Peugeot и Porsche, годинава им се придружуваат новодојденците: Alpine кој од класата LMP2 се качува погоре во Hypercar, потоа BMW, Lamborghini и легендарната италијанска марка Isotta Fraschini која после децении премрежја се враќа на светската автомобилска сцена на голема врата.
Шампионатот годинава своите пипала ги раширува низ цел свет со вкупно осум трки. Две од трките се сосема нови: 6 часа на Имола која доаѓа на местото на 6 часа на Монца заради реконструкција на патеката, и трката 1.812 km на Катар со која годинава ќе се отвори шампионатот. Од трките кои се враќаат во календарот е 6 часа на Сао Паоло – Бразил која последен пат се возеше во 2104 година и трката Лоун Стар Ле Ман која се вози на патеката COTA (Circuit of the Americas) во Остин во Тексас а последен пат беше дел од WEC во 2020 година. Покрај Монца од календарот за 2024 година изостануваат и 6 часа на Портимао – Португалија и 1.000 милји на Себринг – Флорида.
Важно за Светскиот шампионат во трки на издржливост е намалувањето на бројот на класи. Класата LMP2 заминува во историјата, а покрај врвната хибридна класа Hypercar се воведува сосем нова категорија наречена LMGT3. Оваа класа доаѓа како замена за класата LMGTE која беше дел од WEC од самиот почеток. Причина за воведување на класата LMGT3 е нејзината популарност. Имено таа ќе биде поставена на техничката платформа на FIA наречена GT3 која дозволува учество на приватни тимови. Отворањето на портите на WEC за еден ваков тип на возила во голема мера ќе придонесе за развој на популарноста на шампионатот и ќе ја рашири лепезата на разновидност од марки и модели.
WEC – календар 2024 година
| РУНДА | ТРКА | ПАТЕКА | МЕСТО | ДАТУМ |
| Вовед во сезона | 24 – 25 февруари | |||
| 1 | 1812 km на Катар | Лосаил | Лосаил | 2 март |
| 2 | 6 часа на Имола | Имола | Имола | 21 април |
| 3 | 6 часа на Спа-Франкоршамп |
Спа-Франкоршамп | Ставелот | 11 мај |
| 4 | 24 часа на Ле Ман | Сарт | Ле Ман | 15 – 16 јуни |
| 5 | 6 часа на Сао Паоло | Интерлагос | Сао Паоло | 14 јули |
| 6 | Лоун Стар Ле Ман | СОТА | Остин, Тексас |
1 септември |
| 7 | 6 часа на Фуџи | Фуџи Спидвеј |
Ојама, Шизоука |
15 септември |
| 8 | 8 часа на Бахреин | Бахреин | Сахир | 2 ноември |
Класа Hypercar – тимови
| ТИМ | АВТОМОБИЛ | МОТОР | БР. НА АВТОМОБИЛИ |
| Cadillac Racing | Cadillac V-Series.R | Cadillac LMC55R 5.5 L V8 Hybrid |
1 |
| Porsche Penske Motorsport |
Porsche 963 | Porsche 9RD 4.6 L Turbo V8 Hybrid |
2 |
| Toyota Gazoo Racing |
Toyota GR010 Hybrid | Toyota 3.5 L Turbo V6 Hybrid |
2 |
| Isotta Fraschini | Isotta Fraschini Tipo 6 LMH-C |
Isotta Fraschini 3.0 L Turbo V6 Hybrid |
1 |
| Herz Team Jota | Porsche 963 | Porsche 9RD 4.6 L Turbo V8 Hybrid |
2 |
| BMW M Team WRT |
BMW M Hybrid V8 | BMW P66/3 4.0 L Turbo V8 Hybrid |
2 |
| Alpine Endurance Team |
Alpine A424 | Alpine 3.4 L Turbo V6 Hybrid |
2 |
| Ferrari AF Corse | Ferrari 499P | Ferrari F163 3.0 L Turbo V6 Hybrid |
2 |
| AF Corse | Ferrari 499P | Ferrari F163 3.0 L Turbo V6 Hybrid |
1 |
| Lamborghini Iron Lynx |
Lamborghini SC63 | Lamborghini 3.8 L Turbo V8 Hybrid |
1 |
| Peugeot TotalEnergies |
Peugeot 9X8 | Peugeot X6H 2.6 L Turbo V6 Hybrid |
2 |
| Proton Competition |
Porsche 963 | Porsche 9RD 4.6 L Turbo V8 Hybrid |
1 |
Класа LMGT3 – тимови
| ТИМ | АВТОМОБИЛ | МОТОР | БР. НА АВТОМОБИЛИ |
| Heart of Racing Team |
Aston Martin Vantage AMR GT3 Evo |
Aston Martin M177 4.0 L Turbo V8 |
1 |
| Team WRT | BMW M4 GT3 | BMW P58 3.0 L Turbo I6 |
2 |
| Vista AF Corse | Ferrari 296 GT3 | Ferrari F163CE 3.0 L Turbo V6 |
2 |
| United Auto- sports | McLaren 720S GT3 Evo | McLaren M840T 4.0 L | 2 |
| Iron Lynx | Lamborghini Huracán GT3 Evo 2 |
Lamborghini DGF 5.2 L V10 |
1 |
| Iron Dames | Lamborghini Huracán GT3 Evo 2 |
Lamborghini DGF 5.2 L V10 |
1 |
| Proton Compe- tition | Ford Mustang GT3 | Ford Coyote 5.4 L V8 | 2 |
| Akkodis ASP Team |
Lexus RC F GT3 | Lexus 2UR-GSE 5.0 L V8 |
2 |
| TF Sport | Chevrolet Corvette Z06 GT3.R | Chevrolet LT6.R 5.5 L V8 |
2 |
| Manthey EMA | Porsche 911 GT3 R (992) | Porsche M97/80 4.2 L Flat-6 |
1 |
| Manthey Pure Rxcing |
Porsche 911 GT3 R (992) | Porsche M97/80 4.2 L Flat-6 |
1 |
| D’station Racing | Aston Martin Vantage AMR GT3 Evo |
Aston Martin M177 4.0 L Turbo V8 |
1 |
Ако ги претвориме во бројки овие новини кои се воведуваат за сезоната 2024, тогаш нема двојби дека Светскиот шампионат во трки на издржливост изгледа импресивно. На стартот на воведот во сезоната кој ќе се одржи на 24 и 25 февруари на патеката во Лусаил – Катар и каде во едно впечатливо шоу ќе биде претставен караванот на WEC за 2024 година, во класата Hypercar ќе се појават 9 производители со вкупно 19 автомобили. Од нив Porsche ќе има 5 автомобили распоредни низ 3 тима, Ferrari ќе биде со 3 автомобили, Alpine, BMW, Peugeot и Toyota со по 2 автомобили, а Cadillac, Isotta Fraschini и Lamborghini со по 1 автомобил. Во класата LMGT3 ќе појават 18 возила, исто така, од 9 различни производители. И во оваа класа се повторуваат имињата на Ferrari, Lamborghini, BMW и Porsche, но интересно за неа е што дополнително копја ќе кршат и Aston Martin, McLaren, Lexus, Chevrolet и Ford.
ТОП НОВОСТИ
