ВО МАЈ 2019 ГОДИНА ЕВРОПСКАТА АГЕНЦИЈА ЗА ЖИВОТНА СРЕДИНА (ЕЕА) ГИ ОБЈАВИ ОФИЦИЈАЛНИТЕ ПОДАТОЦИ ЗА ВКУПНИТЕ ЕМИСИИ НА СТАКЛЕНИЧКИ ГАСОВИ ВО ЕУ ЗА 2017 ГОДИНА. ЕЕА ПОКАЖА ДЕКА ВКУПНИТЕ ЕМИСИИ СЕ ЗГОЛЕМЕНИ ЗА 0,7% ВО СПОРЕДБА СО 2016 ГОДИНА.
Главна причина за овој пораст е зголемувањето на емисиите од транспорт, четврта година по ред, мерено од 2013 година наваму. Емисиите на јаглерод диоксид од патниот сообраќај се зголемени, како од товарни, така и од патнички возила. Покрај ова, најголем пораст беше предизвикан од зголемената потрошувачка на дизел гориво од страна на камионите и комбињата.
Полска и Шпанија учествуваа со најголем пораст на емисиите на стакленички гасови во апсолутни вредности во 2017 година. Во Полска, зголемувањето главно се должи на повисоките емисии од патниот сообраќај. Во Шпанија најголемиот дел од нето-зголемувањето на емисиите се должи на употребата на јаглен за производство на електрична енергија. Најголемо зголемување на релативните вредности во 2017 година се случи во Малта, Португалија и Естонија. •
ТОП НОВОСТИ
