PORSCHE 718 SPYDER RS-ЛЕСЕН, БРЗ И НИЗОК

18/05/2023

Толку од моторот со внатрешно согорување во моделот 718 во сопственост на Порше. Последниот Мохиканец во семејството Порше е моделот „718“ со име спајдер рс“. И не е само последен во семејството со ото мотор, туку е прв со 4,0 л. шестцилиндричен боксер мотор што ќе биде централно сместен. Занимлив миг.

Бидејќи најновата и последна изведба „718 спајдер рс“ е тешка само 1.410 кг, добрите познавачи на автомобилската индустрија велат дека е карбонска изведба на „кајман гт 4 рс“, но Порше го вели сосема спротивното, бранејќи го ставот дека „718 спајдер рс“ има поинакво подесување на подвозјето, спортско е, но е удобно и е далеку од истото во моделот „кајман гт 4 рс“.

За спајдерот да биде полесен, конструкторите го имаат олеснето моделот „718 спајдер рс“ за цели 40 кг во однос на моделот без ознаката „рс“. Затоа кај оваа изведба покривот е платнен и рачно се отвора и затвора, значи ги нема електромоторите кои сигурно тежат најмалку по 2,5 кг за еден. Носи 20 инчни тркала изработени од магнезиум и е спуштен за дополнителни 30 мм. Е сега ако некој купувач сака малку посурова спортска изведба го нарачува „718 спајдер рс“ со пакет на опрема наречен Веисач. Со него добива полесна конструкција, повеќето делови се направени од јаглеродни влакна, но има и подобрување во аеродинамиката. Потоа добива и издув како од тркачкиот модел „935“ од 2018 година кој, пак, е посветен на моделот „935 / 78 леман“ попознат под прекарот „моби дик“. И на фотографиите е токму тој модел со пакетот „веисач“.

Моќниот 4,0 л. боксер мотор со шест цилиндри  е директно позајмен од моделот „911 гт 3“. Има 493 КС и максимален вртежен момент од 450 Нм кои се пренесуваат на задните тркала преку автоматски седум степен пренос наречен „пдк“. Од 0 до 100 км/ч потребни му се 3,4 сек. а од 0 до 200 км/ч само 10.9 сек. додека крајната брзина ја пробива границата од 300 км/ч односно изнесува точно 308 км/ч. Сето ова му го овозможува еден од најмоќните атмосферски мотори со шест цилиндри, кој располага со завидни 123,25 КС на еден литар работна зафатнина. Цена? Околу 160.000 евра.

 

Жарко Атанасоски

ПОВРЗАНИ СТАТИИ

АМСМ | Клуб мобилити
Privacy Overview

This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.