Луксузната дивизија на Волво подготви купе лимузина во концепт изведба со намера првично да ја претстави на 3 март на Салонот за автомобили во Женева. Концептот „полстар персепт“ е погонуван од електромотори, но засега производителот молчи за тоа колкав е бројот на моторите и нивната силина, не објавува нишно за тоа каде се пренесува силината, на предната, на задната или и на двете оски.
Заедно со првите фотографии стигна и кус текст во кој се нагласува уредот „лидар“ преку кој ласерски се скенира патот и сите ситуации на него, а потоа компјутерскиот систем ги усогласува сите маневри на возилото. Сето тоа се прави во служба на безбедноста. Автомобилот располага со четири седишта, петта врата поради купе линијата, стаклен покрив, два монитори за возачот и совозачот осетливи на допир со дијагонала од 15 и 12 инчи и раскошен дизајн. Според првичните реакции од фотографиите, гласините го велат следново: „полстар персепт“ не треба да биде концепт, туку сериски автомобил.
ТОП НОВОСТИ
