Минатиот месец ќе остане запаметен во светот на автомобилската индустрија по отворањето на новиот посебен оддел наречен „Пежо Спорт Енџињирид“. Истовремено Пежо го претстави моделот „508 псе“ направен токму во тој оддел. Името на одделот открива сè и веќе е познато дека таму ќе се конструираат исклучиво автомобили со спортски особини. Овој оддел како да е потврда на најавата за враќањето на Пежо во трките на издржливоста во 2022 година, но сега во сосема новата класа (хиперкар категорија) која е замена за сегашните во кои главниот збор го имаа протитиповите (лмп1 и лмп2).
Според известувањата кои стигнаа од Пежо, моделот „508 псе“ е најбрзиот сериски автомобил што некогаш излегол од производните хали. Инспирација за конструирање на овој модел е црпена од некогашниот модел „504 купе“, еден од најелегантните примероци од групата отворени автомобили.
„Пежо 508 псе“ во себе носи две погонски единици, едната со внатрешно согорување, а другата електрична. Двете погонски единици се способни да го понесат автомобилот до 100 км/ч за време од 5,0 секунди, додека крајната брзина е електронски ограничена на 255 км/ч. Погонот е на сите тркала со цел да се овозможи што е можно подобра стабилност и управување на автомобилот и возење во секакви услови.
Подвозјето е снабдено со прилагодливи амортизери со можност на избор од три опции, конфорт, хибрид и спорт. Во зависност од желбата и потребата возачот ја бира опцијата, но ако е избрана опцијата хибрид тогаш на сцена стапуваат сензорите компјутерите и сите други електронски помагала кои ќе ја подесуваат амортизацијата според начинот на возењето и условите на патот. А со одбирање на опцијата спорт, тогаш автомобилот ги покажува забите, односно сите 360 КС од двете погонски единици. Седењето е пониско отколку во обичниот „508“ и има поширока трага на предните и задните тркала. Поседува 20 инчни тркала и предни диск сопирачки со димензии 380 мм. Во сета оваа работа фали едно нешто, а тоа е моделот „508 купе псе“. Лимузината е во ред, неа ништо не и фали, но редно е да го видиме некогашното купе 504 во ново издание со трите букви „псе“ покрај трите бројки.
Спортските способности на моделот излезен од ново отворениот оддел се темелат на долгогодишното искуство на Пежо во Светскиот шампионат во рели, потоа во трките на издржливост, релито Дакар и други видови ридски и трки на кружни патеки.
ТОП НОВОСТИ
