По којзнае кој пат Рено ги изненадува не само конкуренцијата, туку и јавноста. Знае од време на време да си направи „ќејф“ и да претстави модел кој другите го немаат во гамата, или, пак е многу редок. На пример, сега претставениот „конквест“ (или „аркана“ во зависност од пазарот) е своевиден „сув“ со купе линија.
Каросерија од овој тип имаат само неколку претставници од премиум класата и толку. „Сув“ купе досега беше нешто како заштитен облик на спомнатата класа, но Рено си направи свој купе во „сув“ изведба и сега таа каросерија ја доближи до поширок круг на купувачи. Наскоро и останатите производители ќе тргнат по примерот на Рено, од една многу позната причина, а тоа е големата популарност на „сув“ класата меѓу купувачите. И да го напомнеме следново, „рено конквест“ е всушност подмодел на моделот „меган“, односно неговото име е „рено меган конквест“.
Овој подмодел има вкупна должина од 4.568 мм и 1.571 мм висина, односно 1.576 мм со носачите на покривот, додека неговото меѓуоскино растојание изнесува 2720 мм. Одделот за товар располага со максимални 513 см3, односно со 438, а сето тоа е во зависност од вградената погонска единица. Уште од почетокот од продажбата Рено ќе ја нуди изведбата „рс“, а основната изведба со ознака „тци“ ќе носи 1,3 литарски турбо мотор со 140 и 160 КС со 12 волтен микро хибриден погон. Силината од моторот се пренесува на предната оска преку автоматски менувач „едц“ со двојна спојка.
Првите примероци ќе стасаат до купувачите некаде на лето следната година, а конкуренцијата ќе биде само нем сведок на случувањата во однос на „сув“ купе линијата. Најверојатно сега таа забрзано работи на ова изненадување од Рено.
ТОП НОВОСТИ
