Планот им беше сите да се префрлат на електричен погон, кој порано кој подоцна, но сето тоа да се случи во кус временски период, па автомобилската индустрија да биде авангарда во светот кој сѐ повеќе сака да стане зелен. И како што најчесто бидува, работите не одат како што посакуваме. Така електрификацијата сѐ уште постои, но оди по надолна линија. Падот во продажбата на електричните возила во светот пред сѐ се должи на нивната висока цена според кажувањата на потенцијалните купувачи. Зошто да плаќа многу повеќе за автомобил кој до вчера имал прималива цена (со дизел или ото мотор)? Првата генерација од „мг зс“ ја продаваа и со бензински мотор, но тоа не е случај со вторaта генерација.
Производителот го отстрани ото моторот, очекувајќи дека купувачите веќе „навикнале“ на хибридниот, но се излажале. Компанијата САИК, сопственик на МГ, очекувала да продаде многу повеќе автомобили во 2024, но ….(!?) Затоа производителот го враќа ото моторот во моделот „зс“ – 1,5 литарски, истиот што се вградува во најмалиот од семејството „мг 3“.
Порше се откажа од обичниот менувач, но ете повторно го врати затоа што така сакаат купувачите. Нешто слично со менувачите направија уште неколку производители, а еден од нив е и Нисан. Алфа Ромео требаше да произведува само електрични возила, но се премисли и во моделот „џулија“ сѐ уште ќе вградуваат мотори со внатрешно согорување. И Ламборџини на големо најавува само електричен погон, но да видиме до каде ќе стаса. Сепак да видиме кој е следниот што ќе се предомисли.
ТОП НОВОСТИ
