На повидок е сосема ново супер купе со хибриден погон, а зад сето ова стои Мекларен. Да, токму тој Мекларен што е присутен во трките од формула 1 подготвува нова шасија, нов мотор и што уште нè. Ова купе, не користи ничија шасија, ничии претходни решенија, туку го црпи искуството од децениската работа при создавањето лесни шасии, ускладување на сите делови на возилото, посебно на распоредот на тежината од моторот и менувачот. Од корен нов автомобил со сите најнови техничко технолошки решенија и затоа претставува своевиден бисер во автомобилската индустрија. Иако нема официјални фотографии или цртежи, сепак „мекларен артура“ заслужува да се најде како главна вест во светската автомобилска индустрија, само поради тоа што е склоп кој е развиван од нула, купе кој не користи ниту едно друго претходно решение што е видено кај постоечките модели. Сето претходно напишано го нагласува Мајк Флуит, главниот и одговорниот во Мекларен.
Две погонски единици под една „капа“ – едната бензинска со шест силиндри во V формација, двоен турбо компресор, со силина од над 600 КС, а другата всушност е микро хибридна технологија со чија помош возилото може да измине не повеќе од 30 километри. Сиот свет тргна да прави електрифицирани автомобили, а на таа мода не останаа имуни ниту производителите на луксузни купиња, како Ферари, Ламборџини, Масерати, Порше и останатите.
Годината на појавување на „мекларен артура“ е 2021 и според најавите од производителот светот има што да чека, но за тоа чекање ќе биде награден со филигрански конструиран автомобил. Името, односно зборот „артура“ потекнува од келтскиот јазик, а во превод значи благородно.
ТОП НОВОСТИ
