НА 1 МАРТ 2025 ГОДИНА, ВО DIAMOND MALL – СКОПЈЕ, СЕ ОДРЖА НАЦИОНАЛНИОТ НАТПРЕВАР FIRST LEGO LEAGUE MACEDONIA 2025, КОЈ СОБРА 23 ТИМОВИ, НАД 230 УЧЕНИЦИ И НИВНИ МЕНТОРИ, 15 ДРЖАВНИ УЧИЛИШТА ОД ЦЕЛА МАКЕДОНИЈА
Тимот The NOOBS од Young Engineers Skopje Macedonia стана апсолутен победник, освојувајќи го првото место и обезбедувајќи директен пласман на светското првенство во САД – Florida Sunshine Invitational 2025.
Името The NOOBS е оригинална идеја на самите ученици, а акронимот значи: New Original Operational Best Students (Нови, Оригинални, Оперативни и Најдобри Ученици). Екипата на „НООБС” ја сочинуваат: Бисера Стојановска, Петар Копачев, Синиша Шиповиќ, Ален Атанасов, Бодан Николов, Иван Скалов, Ведран Анастасовски, Тео Ваљак Трпчевски и Ноа Петковски.
Со ова име, тимот ја симболизира својата посветеност, креативност и тимски дух, докажувајќи дека младите имаат моќ да бидат носители на иновации.
Тимовите во FIRST LEGO League се оценуваат според четири главни категории:
Највисоко рангираните тимови се селектираат за интернационални натпревари, а шампиони стануваат тимовите со извонредни резултати во сите категории.
Young Engineers Skopje Macedonia – Центар каде знаењето станува иновација
Во срцето на едукативната роботика во Македонија стои Young Engineers Skopje Macedonia, Центарот за едукативна роботика и иновации, кој работи под глобално признатата STEM програма на Young Engineers International – Израел. Оваа лиценцирана програма е присутна во Македонија од 2017 година и е дел од мрежа која опфаќа над 50 земји низ светот, поддржана од врвни академски институции како Harvard Graduate School of Education, Carnegie Mellon University (iCarnegie), New York State Education Department и наградена од Британското Министерство за Образование.
ШТО Е YOUNG ENGINEERS?
Young Engineers Skopje Macedonia e строго структуриран и научно базиран курикулум во областа на науката, технологијата, инженерството и математиката (STEM), при што учениците: се стекнуваат со основи на програмирање, работат со LEGO SPIKE Prime и EV3 роботи, развиваат инженерски дизајн и алгоритамско размислување, негуваат креативност, критичко размислување и тимски дух.
Посветеноста на центарот кон практичното знаење ги подготвува учениците за национални и меѓународни натпревари, како што е FIRST LEGO League – глобално признатиот натпревар поддржан од UNESCO, кој обединува млади иноватори од над 110 земји низ светот.
ШТО Е FIRST LEGO LEAGUE?
FIRST LEGO League е меѓународна едукативна програма која преку роботика, иновации и тимска работа им овозможува на децата и младите да ги истражуваат науката, технологијата, инженерството и математиката (STEM). Натпреварите ги мотивираат учениците да решаваат реални предизвици, да програмираат LEGO роботи и да развиваат иновативни проекти со глобално значење.
Како единствен овластен претставник на Young Engineers International во Македонија, Young Engineers Skopje Macedonia ја имплементира програмата FIRST LEGO League, овозможувајќи им на младите да станат дел од најголемиот светски натпревар во едукативна роботика. Учениците се подготвуваат преку обуки за програмирање и роботика, развој на иновативни решенија за глобални предизвици, учество на национални и меѓународни натпревари.
Во програмите на Young Engineers учествуваат ученици на возраст од 5 до 16 години, поделени во две категории: FIRST LEGO League Explore (5–9 години) I FIRST LEGO League Challenge (10–16 години)
Децата доаѓаат од различни основни училишта низ Македонија, од Скопје, Битола, Штип, Кочани, Тетово, Охрид и други градови. Со поддршка од наставници и родители, тие развиваат проекти кои ги решаваат тековните технолошки и општествени предизвици, градејќи силни аналитички и комуникациски вештини.
Преку практична STEM едукација, учениците во Young Engineers: дизајнираат и градат роботи, ги програмираат користејќи визуелни и блок-базирани јазици, анализираат податоци од сензори и развиваат стратегии за оптимално функционирање на роботите. Овие активности не само што ги обучуваат технички, туку и развиваат критичко размислување, тимски дух, упорност и лидерство. Преку својата работа, Young Engineers гради генерација на млади иноватори и визионери кои ќе го водат технолошкиот напредок.
ВИЗИЈА ЗА ИДНИНАТА
Во Young Engineers Skopje Macedonia, веруваме дека секое дете има потенцијал да биде иноватор. Преку STEM едукација, тие не само што учат, туку градат самодоверба, љубопитност и визија. Нашите ученици не го следат светот – тие го создаваат!
📢 Повеќе информации:
🔗https://robotics.mk/
📷https://www.facebook.com/FllMacedonia https://www.facebook.com/roboticsandinnovationacademy
📸 https://www.instagram.com/first_lego_league_macedonia/
ТОП НОВОСТИ
