Сакале или не, мора да се согласиме со следново, „сув“ возилата не се теренски возила. Не дека не можат да излезат надвор од асфалтот, но не припаѓаат во класата на класичните теренски возила. Ауди својот луксузен сув „ку 6 е – трон“ дополнително го доработи и излезе во јавност со концепт наменет строго за употреба надвор од асфалтот. Може и на асфалт да се вози, но грев е ултра теренско возило наменето за работа во екстремни услови, да го „влечете“ по улици и автопати.
Ауди има преголемо искуство со овој вид возила затоа што тематиката наречена рели Дакар многу добро му е позната, така што за овој производител нема непознати. На спомнатото рели го испекол занаетот повеќе отколку што треба и затоа концептот „ауди ку 6 е – трон офроуд“ е само еден вид забава. Точно е тоа дека Ауди нема чисто теренско возило, како што е тоа случајот со Мерцедес и неговата „г сласа“. Можно е Ауди да прави планови во таа насока – да има чисто теренски модел во семејството. Аголот на искачување е запрепастувачки 45 отсто, а аголот на напуштање нагорнина е 33 отсто. Има 517 КС, исто како во серискиот модел „ с ку 6 е – трон катро“, но сѐ останато е поинаку.
Сигурно има многу нешта позајмени од возилата наменети за релито Дакар и колку за информација, минатата година Карлос Саинц со совозачот Лукас Круз, победија на тоа рели со возило направено од Ауди.
Димензиите се речиси исти со сериската „ку 6“, само што возилото „пораснало“ во ширина, бидејќи конструкторите употребиле подолги оски и поголеми тркала. Тие измени заедно со пластичните одбојници поставени на лаковите над тркалата придонеле ширината да биде зголемена за цели 160 мм. Предниот и задниот одбојник е поинаков отколку кај серискиот и на покривот може да се монтира товарна конструкција со дополнителни светла. Ауди даде само кусо соопштение без многу детали и воопшто не спомна дали концептот „ку 6 е – трон офроуд“ ќе послужи како модел за развој на сериско возило или пак е само објект кој ќе фаќа прашина во некој музеј.
ТОП НОВОСТИ
