НА 23-ТИ МАЈ, BEUC (ЕВРОПСКАТА ОРГАНИЗАЦИЈА ЗА ПОТРОШУВАЧИ) JA ОБЈАВИ СВОЈАТА ПОЗИЦИЈА ВО ВРСКА СО ПОДОБРУВАЊЕ НА ПОЛНЕЊЕТО НА ЕЛЕКТРИЧНИТЕ АВТОМОБИЛИ.
Официјалната позиција постави три услови:
1. Пристапни точки за електрично полнење: BEUC утврди дека треба да постои правно обврзувачко распоредување и подобро финансирање од ЕУ за решавање на диспаритетот во бројот на станици за полнење низ цела Европа.
2. Едноставно користење и плаќање на местата за електрично полнење: BEUC се залага за воведување на „ad hoc“ полнење, односно за можноста корисниците на електрични возила да ги надополнуваат истите на „ad hoc“ основа, без да склучат до- говор со снабдувачот на електрична енергија или друг засегнат оператор. Ако ова не е можно, тогаш BEUC изјави дека треба да постои систем за роаминг, кога возачот ја користи станицата за електрично дополнување која му припаѓа на друг оператор со апликација / картичка на нивниот домашен оператор и притоа плаќа одреден надомест за тоа.
3. Тарифите (цените) за полнење да бидат фер, транспарентни и споредливи: кај многу места за полнење со електрична енергија, информациите за цените честопати се недостапни, за разлика од бензинските станици каде информациите за це- ните се задолжителни. Како резултат на тоа, BEUC препорача дека станиците за полнење треба да утврдат тарифи засновани на количината на електрична енергија со која е наполнет автомобилот (цена / kWh) и таквите информации задолжително да бидат прикажани.
ТОП НОВОСТИ
