Планетава е во исчекување на голем бран цунами од Далечниот Исток наречен Нисан и тоа со неколку подвидови. Најчудно е тоа што ниту еден од тие подвидови нема да биде погонуван од дизел мотор. Некои сѐ уште ги вградуваат дизелите, но ете покрај неколкуте производители и Нисан се најде меѓу нив. Првиот бран е именуван како „микра“. Да, токму така, „нисан микра“ повторно влегува во игра, овој пат на основа („ампр смол“) од неодамна претставената „петка“. Вториот цунами е „лиф“ само што оваа генерација, трета, нема да биде компактна комбилимузина, туку „сув“.
Потоа следи моделот „јуке“ со неговата трета генерација. Тука е некаде со димензиите како „рено 4“ и „рено 5“, така што се насетува од каде ја позајмил основата. И уште нешто, оваа генерација ќе биде целосно електрифицирана.
Сега малку ќе ѕирнеме во кругот на концептите, а таму нѐ дочекува „нисан хипер панк концепт“ за првпат прикажан во 2023 год. Неговиот дизајн многу потсетува на теренските возила и тука дизајнерите си поигруваат со деталите, ги направиле да бидат занимливи и привлечни за око. Така е со концептите, а кога истите ќе дојдат до сериско производство, тогаш тие занимливи детали исчезнуваат. Новиот „нисан јуке“ црпел инспирација токму од овој концепт, впрочем затоа го спомнавме.
ТОП НОВОСТИ
