ВИСОКАТА ТЕХНОЛОГИЈА (ИЗРАЗ СО КОЈ СЕ ИМЕНУВА ПОСЛЕДНИОТ СТЕПЕН НА ДОСТИГНАТАТА ТЕХНИКА), НЕЈЗИНАТА УМЕТНИЧКА ИЗРАБОТКА… ГО ПРИВЛЕКУВА ВНИМАНИЕТО НА ХАЈТЕК-ВЉУБЕНИЦИТЕ. НОВИТЕ ПРОИЗВОДИ СЕ ПРЕДМЕТ НА ИНТЕРЕС, ВКЛУЧУВАЈЌИ ЈА И ЖЕЛБАТА ДА СЕ ПОСЕДУВААТ, ДА СЕ ИМААТ. ГОЛЕМАТА ЕСТЕТИКА И УМЕТНИЧКА ВРЕДНОСТ, ПОСЕБНИТЕ КВАЛИТЕТИ НЕ МОЖАТ ДА СЕ ОСПОРАТ, А ДОСТАПЕН ДОКАЗ Е И ЦЕНАТА, СЕКАКО.
BOSE ПАМЕТНИТЕ ОЧИЛА ЗА СОНЦЕ
Новите футуристички, паметни очила за сонце на Bose, кои ги лансираше неодамна, се очекува да станат голем хит оваа пролет и летото што ни претстои. На прв поглед, Frames Alto (машки) и Frames Rondo (женски) не ја откриваат тајната, но, сепак, нивната цена од 199 $ е оправдана. Не се користи „бубачка“ за да може да се чуе омилената песн или музика на пример, а притоа не се нарушува мирот никому. Во исто време, овозможена е и аугментација (продолжување на некоја нота и слично). Очилата се направени од најлон, постои можност да се поврзат со Bluetooth, имаат леќи што се отпорни на гребаници, удари, а штитат и од ултравиолетни (А и Б) зраци.
LG ТЕЛЕВИЗОРОТ
Јужнокорејскиот гигант неодамна го исфрли новиот телевизор што претставува револуција во аудиовизуелното производство. Станува збор за OLED TV R, чија цена е 8.000 $. Новината е во тоа што може да се „собере“, цел или дел од него (може да се гледа само четвртина). Перформансите на телевизорот се врвни, и аудио и визуелните, а неговиот животен век изнесува 50.000 цуклуси, околу 34 години секојдневна употреба. Може да се гледаат фотографии, доколку се приклучи апарат или мобилен телефон, да се слуша музика со визуелни ефекти, според јачината, ритамот итн., а има можност, на пример, да се направи и амбиентален колорит.
LOUIS VUITTON СЛУШАЛКИТЕ
Француската модна куќа и „Master & Dynamic“ од Њујорк се здружија и креираа ултрашик „бубачки“. Всушност, слушалките се исти (технички) како другите, а разликата е во логото што ги краси, со сини и жолти пруги, линии на црна, црвена и бела позадина. Безжични се, а со едно полнење можат да работат цели три часа. Освен тоа, имаат 10-милиметарски драјвери од берилиум со високи перформанси, беспрекорен звучен систем. Се продаваат во луксузно пакување, по цена од 995 долари. Horizon „бубачките“ можат да се купат и поевтино, без логото на Louis Vuitton, производство на њујоршката компанија.
ZELLATON ЗВУЧНИЦИТЕ
Откако берлинецот Emil Podszus на 19 мај 1930 год. поднел барање за патентирање на „направата којашто електричните импулси ги претвора во звук“, се навести популаризацијата на аудиотехниката во Германија пошироко. Zellaton е основана две години подоцна. Денес компанијата е водечка, постигнува добри резултати. Звучниците се изработуваат рачно, а новите, кој ги прави Manuel (внукот на Emil), се високи два метра и тешки 350 кг, еден. Секако, нивната фреквенција се мери во херци. Секој звучник има пет драјвери, а поединечната цена е 200.000 $. Имаат софистициран изглед, поради што се вклопуваат во секаков ентериер.
RAZER BLADE STEALTH QUARTZ ЛАПТОП-КОМПЈУТЕРОТ
Освен црн (машки), Razer исфрли нов, розов (женски) Blade Stealth Quartz лаптоп-компјутер за Денот на вљубените. Идентични се, а разликата е во нивната боја. Обата имаат Full HD дисплеј од 13,3 инча, го покренува Intel Core i7-8565U процесор што ѝ припаѓа на осмата генерација, покрај NVIDIA GeForce MX150 графика, заедно со 16GB DDR4 2133 меморија, PCle M.2 SSD од 265 GB и батерија од 53,1 Wh. Рамот на овој Blade Stealth е потенок од вообичаниот за 60 отсто и лесно преминува на Intel UHD Graphics 620. Лаптоп-компјутерот е идеален и за играње и за работа. Продажбата е ограничена, по цена од 1.600 $.
ТОП НОВОСТИ
