Со цел поголема безбедност на велосипедистите, како една од најранливите категории на учесници во сообраќајот, од клучно значење е безбедна велосипедската инфраструктура.
Проектот „Безбедни велосипедски патеки за безбедни велосипедисти“, на кој АМСМ во соработка со сите заинтересирани страни работи овој период, се однесува на имплементација на CycleRAP методологијата која овозможува објективна проценка на безбедноста на велосипедските патеки согласно меѓународни стандарди.
CycleRAP методологијата се одвива во неколку фази:
Притоа, методологијата користи информации за физичките карактеристики на инфраструктурата, брзината и бројот на учесници во сообраќајот за да го пресмета степенот на ризик за различни типови на несреќа:
За потребите на проектот, а во соработка и со поддршка на НаТочак – NaTochak, во првата фаза од проектот ги мапиравме сите велосипедски патеки и ленти на територијата на Скопскиот плански регион или вкупно 130км велосипедска инфраструктура која е дел од проценката.
Со цел соодветна имплементација на CycleRAP методологијата, АМСМ како партнер во проектот ја вклучи шпанската компанија FACTUAL, која е воедно и советодавен член на CycleRAP. Претставник на FACTUAL во периодот од 11-15.03.2024 го направи снимањето на целокупната велосипедската инфраструктура, со што нашата земја не само што се позиционираше како прва во регионот која ја имплементира CycleRAP методологијата, туку се позиционираше и меѓу ретките земји од Европа по должината на велосипедските рути кои се дел од проценката. Повеќе на мапата на CycleRAP.
Извештајот од CycleRAP процената, кој го подготви „FACTUAL Consulting“, соработник на проектот и член на советодавниот одбор на CycleRAP, кој исто така беше ангажиран од страна на АМСМ да направи анализа на безбедноста на велосипедската инфраструктура во Скопскиот плански регион користејќи ја методологијата CycleRAP, беше комплетиран во декември минатата година, а е достапен тука.
Во извештајот се анализирани точно 143,7 километри велосипедска инфраструктура во Скопскиот плански регион, поделена во различни категории: еднонасочни ленти, двонасочни ленти, булевари, мешани велосипедско-пешачки патеки, рекреативни патеки, коловози без велосипедска инфраструктура (без лента) итн.
Резултатите од CycleRAP процената покажуваат дека:
Вкупните резултати покажуваат дека булеварите се најзастапен тип патека во километри што има висок ризик од судири, со вкупно 18,66 %. Примарен фактор на ризик е близината на брзиот моторизиран сообраќај до релативно тесните велосипедски ленти. Дополнителните ризици вклучуваат чести раскрсници, пешачки премини и пристапни точки на патеката што го зголемуваат потенцијалот за судири. Многубројните раскрсници, автобуските постојки и пешачките премини дополнително го зголемуваат ризикот од сообраќајни судири.
Процената на велосипедските патеки во рамките на велосипедската инфраструктура во Скопје откри неколку фактори на ризик што се повторуваат и кои ја намалуваат безбедноста на велосипедистите:
Ги издвојуваме петте најчесто повторувани третмани предложени за подобрување на безбедноста на анализираната инфраструктура во Скопје:
Безбедносна мерка / третман
Колку пати е предложена мерката
Покрај Извештајот, достапна е и веб алатка за проекција на различни сценарија за подобрување на безбедноста на одредени рути, која е од големо значење при планирање на безбедносни подобрувања на постојната велосипедска инфраструктура.
Проектот е реализиран на иницијатива на АМСМ, а е реализиран во соработка со:
Проектот е ко-финансиран од ФИА Грант програмата за поголема безбедност на патиштата и ФИА Фондацијата, до кои АМСМ има пристап како единствена мобилити членка на ФИА од нашата земја.
